Breaking News
హాట్ న్యూస్
Breaking News
హాట్ న్యూస్
Updated: 2016-12-16 15:30:47 Views: 100
ఇంటర్నెట్‌డెస్క్‌: ఇంగ్లాండ్‌ క్రికెట్‌ ఆటగాడు అలిస్టర్‌ కుక్‌ అరుదైన రికార్డును అందుకున్నాడు. చెన్నై వేదికగా భారత్‌తో మధ్య జరుగుతున్న ఐదో టెస్టులో కుక్‌ 11వేల పరుగుల మైలు రాయిని అందుకున్నాడు.140వ టెస్టు ఆడుతున్న కుక్‌ మొత్తం 252 ఇన్నింగ్స్‌ల్లో ఈ ఘనతను అందుకున్నాడు. టెస్టు క్రికెట్‌ చరిత్రలో 11వేల పరుగుల మైలు రాయిని అందుకున్న పదో బ్యాట్స్‌మెన్‌గా కుక్‌ అరుదైన ఘనత సాధించాడు
షేర్ :
నీటిపారుదల ప్రాజెక్టుల కోసం తమ ప్రభుత్వం ఇప్పటివరకు ఒక్క పైసా కూడా అప్పు చేయలేదని జలవనరుల శాఖ మంత్రి హరీశ్‌రావు తెలిపారు. శాసనమండలిలో జరిగిన చర్చ సందర్భంగా ఆయన ఇరిగేషన్‌ ప్రాజెక్టులపై వివరణ ఇచ్చారు. తెలంగాణ ఉద్యమం ప్రధానంగా నీటి కోసమే జరిగిందని.. రాష్ట్రం ఏర్పడి తర్వాత ఆ లక్ష్యాన్ని నెరవేర్చేందుకు కృషి చేస్తున్నట్లు పేర్కొన్నారు. నీటి ప్రాజెక్టుల కోసం పదేళ్ల కాంగ్రెస్‌ పార్టీ హయాంలో మొత్తం రూ.39 వేల కోట్లు ఖర్చు చేస్తే.. తమ ప్రభుత్వం రెండున్నర సంవత్సరాల్లోనే రూ.. 22వేల కోట్లు ఖర్చు పెట్టిందని తెలిపారు. ఈ నిధులన్నీ రాష్ట్ర ఖాతాలోనివేనని.. ఎవరి నుంచి అప్పు తీసుకురాలేదని తెలిపారు. రాష్ట్రాన్ని అప్పుల వూబిలోకి నెట్టుతున్నారని ప్రతిపక్షాలు చేస్తున్న విమర్శలు అర్థరహితమని పేర్కొన్నారు.
ప్రజలకు సుపరిపాలన అందించడం ద్వారా మాజీ ప్రధాని వాజ్‌పేయీ అంతర్జాతీయ స్థాయిలో మంచిపేరు తెచ్చుకున్నారని కేంద్రమంత్రి వెంకయ్యనాయుడు అన్నారు. విజయవాడలో నిర్వహించిన వాజ్‌పేయీ జన్మదిన వేడుకల్లో ఆయన పాల్గొన్నారు. ఈ సందర్భంగా మాట్లాడుతూ.. పేదల జీవితాలు బాగుపడాలని వాజ్‌పేయీ తరుచూ చెప్పేవారని.. ఇప్పుడు మోదీ దానిని ఆచరణలో పెడుతున్నారని అన్నారు. మంచి పనులు చేయడానికి దేశాన్ని బాగుచేయడానికి మోదీ ప్రధాని అయ్యారని వ్యాఖ్యానించారు. డిసెంబర్‌ 31 తర్వాత సామాన్యులు కష్టాలు తొలగి అక్రమంగా డబ్బులు సంపాదించిన వారికి కష్టాలు మొదలవుతాయన్నారు. నగదు రహిత లావాదేవీలను ప్రజలందరూ అలవాటు చేసుకోవాలని సూచించారు. వాజ్‌పేయీ పుట్టినరోజు సందర్భంగా పారిశుద్ధ్య కార్మికులకు ఆయన వస్త్రాలు పంపిణీ చేశారు.