SHARE IT :         

మీరు ఇక్కడ ఉన్నారు: హోమ్     న్యూస్

కేసీఆర్‌ కంటే సమైక్య పాలకులే నయం : మందకృష్ణ

Updated: 2016-12-28 12:51:42

Views: 371

సీఎం కేసీఆర్‌పై ఎమ్మార్పీఎస్ నేత మందకృష్ణ మాదిగ తీవ్ర ఆరోపణలు చేశారు. ఆర్టీసీ ఆస్తులను దోచుకునేందుకే కేసీఆర్ ప్రయత్నిస్తున్నాడని ఆరోపించారు. కాళేశ్వరం ప్రాజెక్టు పేరుతో వేల కోట్ల ప్రజాధనాన్ని అక్రమంగా దోచుకున్నారని, ఆర్టీసీ ఆస్తులను కూడా అమ్మేసి సొమ్ము చేసుకోవాలని చూస్తున్నారంటూ సంచలన వ్యాఖ్యలు చేశారు. ఈ కారణంగానే కార్మికులను సెల్ఫ్ డిస్మిస్ అన్నారని అన్నారు. ఏపీలో ఆర్టీసీని విలీనం చేసి తనకు లేనిపోని చిక్కు పెట్టాడని ఆ రాష్ట్ర సీఎం జగన్‌పైనా సీఎం కేసీఆర్‌కు కోపం ఉందన్నారు. ఆర్టీసీ కార్మికుల సమ్మె 46 రోజులకు చేరిన సందర్భంగా దుబ్బాక బస్సు డిపో వద్ద ఆందోళన చేస్తున్న ఆర్టీసీ కార్మికులకు మందకృష్ణ మాదిగ మద్దతు తెలిపారు. ఈ సందర్భంగా ప్రసంగించిన ఆయన.. హైకోర్టు తీర్పు చూసి ఎంతో మంది ఆర్టీసీ కార్మికులకు కళ్లల్లో నీళ్లు తిరుగుతున్నాయని అన్నారు. కేసీఆర్ తెలంగాణ కోసం దీక్ష చేసి విరమించిన రోజు కూడా అదే జరిగిందన్నారు. కానీ దీక్ష విరమించిన వెంటనే తెలంగాణ రాలేదన్న విషయాన్ని ఆయన గుర్తుచేశారు. ఆ మాదిరిగానే కార్మికులు ఏ లక్ష్యంతో సమ్మె మొదలు పెట్టారో నూటికి నూరు శాతం ఆ లక్ష్యాన్ని సాధిస్తారని కార్మికుల్లో ఉత్తేజాన్ని నింపారు.